پڑھو دل سے پیامِ خالقِ کُل

حمد
پڑھو دل سے پیامِ خالقِ کُل
مدلّل ہے کلام خالقِ کُل
نبیٔ دوسرا کی شان دیکھو
اُنہی پر ہے سلامِ خالقِ کُل
بھٹک سکتا نہیں ہرگز وہ انساں
پیا ہے جس نے جامِ خالقِ کُل
ملے گا تاجِ رفعت بھی اُسی کو
جو سچا ہے غلامِ خالقِ کُل
’’جہانِ حمد‘‘ کا اعجاز دیکھو!
سُجھاتا ہے مقامِ خالقِ کُل
یہ رحمت اور برکت سے بھرا ہے
زہے! ماہِ صیامِ خالقِ کُل
بڑی شامیں منائیں ہم نے طاہرؔ
کوئی اک شام نامِ خالقِ کُل